job alert : सरकारी नोकरीच्या शोधात आहात? इथं मिळेल तब्बल 1.12 लाख पगार, असा भरा अर्ज

मुंबई : सरकारी नोकरीचं स्वप्न अनेक जण पाहत असतात. सरकारी नोकरी मिळवण्यासाठी अनेक कठीण परीक्षाही द्याव्या लागतात; मात्र काही पदांवर परीक्षेशिवायही भरती होऊ शकते. अशीच एक संधी चालून आली आहे. नॅशनल इन्व्हेस्टिगेशन एजन्सी अर्थात राष्ट्रीय तपास यंत्रणेत (NIA) नोकरी करण्याची इच्छा असणाऱ्या उमेदवारांसाठी ही सुवर्ण संधी आहे. एनआयएने असिस्टंट, स्टेनोग्राफर ग्रेड - I आणि अपर डिव्हिजन क्लार्क या पदांवर डेप्युटेशन अर्थात प्रतिनियुक्तीद्वारे पदं भरण्यात येणार आहेत. ज्या उमेदवारांना या पदासाठी अर्ज करण्याची इच्छा आहे किंवा जे उमेदवार या पदांसाठी पात्र आहेत, त्यांना एनआयएच्या अधिकृत वेबसाइटवर जाऊन या पदासाठी अर्ज करता येईल. या पदांसाठी अर्ज मागविण्याची प्रक्रिया सुरू झालेली आहे.