इंटरनेटवरील Job Offers वर विश्वास ठेवायचा का? 'या' गोष्टी माहित करुन घ्या आणि सावध व्हा!

सध्याच्या ऑनलाइन युगात बहुतांश गोष्टी या ऑनलाइनच चालतात. मग अशा परिस्थीतीत ऑनलाईन जॉब ऑफर्सवर भरोसा ठेवायचा की नाही असा प्रश्न अनेकांच्या मनात उद्भवतो. त्यामुळे सावधगिरी बाळगण्याची गरज आहे.

अनेक प्रकरणांमध्ये फसवणूक करणारे डिजिटल जाहिराती, ऑनलाइन मेसेंजर आणि बल्क एसएमएसद्वारे लोकांना टार्गेट करतात. यामध्ये लोकांना काही तास कामाच्या बदल्यात चांगली रक्कम देण्याचे आमिष दाखवले जाते. त्यांच्या कामात YouTube व्हिडीओंना लाइक करणे, काही लिंक शेअर करणे किंवा व्हिडीओंवर कमेंट करणे अशा प्रकारचे काम करण्यासाठी सांगितले जाते.

लोकांना हे काम खूप सोपं आणि कामाचं वाटतं, ज्यामुळे अनेक लोक हे करण्याचा विचार करतात.

यासाठी तुम्हाला सुरुवातीला काही पैसे द्यावे लागतील. पण, एक-दोन दिवसांत त्यांच्या मागण्या वाढतात आणि लोकांची फसवणूक होते. अशा परिस्थितीत, आज आम्ही तुम्हाला अशा काही टिप्स सांगणार आहोत, ज्यामुळे तुम्हाला अशा घोटाळ्यांची सत्यता तपासू शकतात.

या प्रकरणांमध्ये, तुमचं खरं काम आहे आहे किंवा तुमचं जॉब प्रोफाइल, तसेच रोल काय आहे? हे सांगितले जात नाही. याबाबत विचारणा केली असता, हे घोटाळेबाज प्रशिक्षण कालावधीत आम्ही ते सांगू असं खोटं सांगतात. कोणीही असं म्हटलं तर ती फ्रॉड नोकरी आहे समजून जा.

त्यामुळे वरील प्रकारे तुम्हाला नोकरीची संधी आली तर सावध रहा आणि अशा लोकांना उत्तर देणं टाळा.