Success Story : मायक्रोसॉफ्ट दीदीचा बोलबाला, मोठ्या पगाराची नोकरी सोडून सुरू केलं You tube चॅनल

मुंबई, 21 ऑगस्ट : शिक्षण पूर्ण झाल्यानंतर प्रत्येकाला नोकरी करण्याचे किंवा स्वत:चा व्यवसाय उभा करण्याचे वेध लागतात. जगभरातील जवळपास प्रत्येक तरुण-तरुणी आर्थिकदृष्ट्या स्वावलंबी होण्यासाठी धडपड करत असतो. त्यातली त्यात जर बक्कळ पगाराची नोकरी लागली तर मग आपला आनंद गगनात मावत नाही. मात्र, काही व्यक्ती अशा असतात ज्यांना अशा नोकरीत समाधान मिळत नाही. हरियाणातील श्रद्धा खापरा अशाच व्यक्तींपैकी एक आहे. 'मायक्रोसॉफ्ट दीदी' किंवा 'श्रद्धा दीदी' या नावानं ओळखल्या जाणार्‍या या तरुणीनं मायक्रोसॉफ्टमधील नोकरी सांभाळत आपलं यूट्युब चॅनेल सुरू केलं आहे. या चॅनेलच्या माध्यमातून ती देशाच्या कानाकोपऱ्यातील विद्यार्थ्यांना शिक्षणाचे धडे देते.