11 वर्षांची ती अन् 32 वर्षांचा तो, बीडमध्ये अल्पवयीन मुलीचा तासाभरात दोनदा विवाह, पहिला पळाला अन्...

Beed Crime News: बीडमध्ये धक्कादायक प्रकार उघडकीस आला आहे. इथं एका ११ वर्षीय मुलीचा तासाभरात दोन वेगवेगळ्या तरुणांसोबत दोन वेळा विवाह लावण्यात आला आहे. धक्कादायक बाब म्हणजे दोन्ही नवरदेव हे मुलीपेक्षात जवळपास वयाने तिप्पट आहेत. असं असतानाही त्यांनी ११ वर्षीय मुलीसोबत लग्न केलं. या घटनेची माहिती मिळाल्यानंतर पोलिसांनी पाठलाग करत नवरदेवाला पकडलं. तसेच मुलीची सुटका केली. अल्पवयीन मुलीचा अशाप्रकारे तासाभरात दोनवेळा विवाह लावून दिल्याने परिसरात खळबळ उडाली आहे. वडिलांसह सावत्र आईने मुलीचा अशाप्रकारे विवाह लावल्याची माहिती समोर आली आहे.