मध्यरात्री कुटुंब गाढ झोपलं होतं, अचानक घरावर पडू लागले आगीचे गोळे, पंढरपुरातील भयंकर प्रकार

वीरेंद्रसिंह उत्पात, प्रतिनिधी पंढरपूर: सोलापूर जिल्ह्यातील पंढरपूर याठिकाणी एक धक्कादायक घटना उघडकीस आली आहे. इथं एका कुटुंबाला काही अज्ञातांनी जिवंत जाळण्याचा प्रयत्न केला आहे. हल्लेखोरांनी कुटुंब झोपेत असताना मध्यरात्री घरावर पेट्रोलचे पेट घेतलेले गोळे टाकून आख्खं कुटुंब संपवण्याचा प्रयत्न केला. या प्रकारात कुटुंबातील तिघेजण गंभीर भाजले आहेत. तिघांवर स्थानिक रुग्णालयात उपचार सुरू आहेत. या घटनेची माहिती पोलिसांना देण्यात आली असून पोलीस पुढील तपास करत आहेत.