'मोजून देतो बाबा...' तरुणाने भोळ्या शेतकऱ्याचे पैसे मोजून देता देता घातले खिशात, VIDEO

मिळालेल्या माहितीनुसार शेतकरी बँकेत गेला होता. त्याने बँकेतून पैसे काढले आणि ते मोजत होता. त्याला आकडे काही लागेना. त्यामुळे तो पुन्हा मोजत होता. शेतकऱ्याची ही अवस्था पाहून त्याचा फायदा तरुणाने उचलला. हा तरुण शेतकऱ्याजवळ आला आणि म्हणाला बाबा द्या मी मोजून देतो. त्याचे हे शब्द ऐकून एक क्षण गोंधळलेल्या शेतकऱ्याला धीर आला.

त्या शेतकऱ्याला काय माहिती की या गोड शब्दांमध्ये किती मोठा चोर दडला आहे ते. त्याने अगदी भोळेपणाने आपल्या हातातले पैसे त्याला मोजायला दिले. त्याच चोराने अगदी हातचालाखीने शेतकऱ्याचे पैसे लाटले आणि पँटच्या खिशात भरुन तो बँकेतून पसार झाला. याचा संपूर्ण सीसीटीव्ही व्हिडीओ समोर आला आहे.