भारताच्या या कोपऱ्यात निकाल देणाऱ्या न्यायाधीशालाच फासावर लटकवलं होतं, कारण ऐकून तुम्ही म्हणाल योग्यच केलं!

हे ज्या न्यायाधीशांबद्दल आहे, त्यांचं नाव होतं उपेंद्रनाथ राजखोवा. ते आसामच्या दुबरी जिल्ह्यात जिल्हा आणि सत्र न्यायाधीश म्हणून नियुक्त झाले होते. न्यायमूर्ती असल्याने त्यांना सरकारी निवासस्थान होतं. मीडिया रिपोर्ट्सनुसार, राजखोवा फेब्रुवारी 1970मध्ये निवृत्त झाले. परंतु त्यांनी सरकारी बंगला रिकामा केला नाही. त्याच बंगल्यात ते पत्नी आणि तीन मुलींसह राहत होते. एके दिवशी अचानक त्याची पत्नी आणि तीन मुली गायब झाल्या. राजखोवा यांना त्यांच्या कुटुंबाबद्दल विचारलं जायचं तेव्हा ते कोणत्या ना कोणत्या बहाण्याने टाळायचे. दरम्यान, एप्रिलमध्ये त्यांनी सरकारी बंगला रिकामा केला आणि त्यांच्या जागी आलेले अन्य न्यायाधीश त्या बंगल्यात राहू लागले.