Kolhapur News: नवरा-बायको भांडण पाहून हसला; राग मनात ठेवून शेजाऱ्याला स्टीलच्या पाईपने धू-धू धुतला!

जखमी अजित सुतार आणि आरोपी नीलेश लव्हटे यांच्यात पूर्वीपासूनच काही कारणावरून वाद सुरू होता. त्यातच, नीलेशच्या कौटुंबिक वादाच्या वेळी अजित हसल्याचा गैरसमज नीलेशच्या मनात पक्का बसला होता. हाच राग नीलेशच्या मनात खदखदत होता.

30 जुलै रोजी सायंकाळी साडेपाच वाजण्याच्या सुमारास अजित सुतार आपल्या घरात असताना, नीलेश लव्हटे अचानक तिथे आला. त्याने अजितला शिवीगाळ करत हाताने डोक्यात मारले, तसेच गळपट्टी पकडून त्याला उचलून जमिनीवर आपटले आणि कानशिलात लगावले. इतके करूनही तो थांबला नाही. फेब्रिकेशन व्यवसायासाठी आणलेली स्टीलची पाईप हातात घेऊन त्याने अजितच्या पाठीवर आणि कमरेवर बेदम मारहाण केली. "परत सापडलास तर जिवंत सोडणार नाही," अशी धमकी देऊन नीलेश तेथून निघून गेला.