खून का बदला खून! शिवराज दिवटे मारहाण प्रकरणात ट्विस्ट, समाधान मुंडेबाबत मोठी अपडेट

बीड: बीड जिल्ह्याच्या परळी तालुक्यात शिवराज दिवटे नावाच्या तरुणाला अलीकडेच मुंडे गँगकडून बेदम मारहाण करण्यात आली होती. १० ते १२ जणांनी शिवराजचं अपहरण करून त्याला डोंगरात नेलं होतं. त्यासाठी आरोपींनी रिंगण करून बेदम मारहाण केली. याबाबतचा व्हिडीओ समोर आल्यानंतर महाराष्ट्रात एकच खळबळ उडाली. आधीच बीडमध्ये संतोष देशमुख हत्या प्रकरणाने राजकीय वातावरण तापलं आहे. अशात शिवराज दिवटेला झालेल्या मारहाणीनंतर बीडमध्ये कायद्याचं राज्य आहे की नाही? असा सवाल विचारला जातोय.