Sonam Raghuwanshi : राजा रघुवंशी मर्डर केसमध्ये जबरदस्त ट्वीस्ट! सीन रीक्रिएशनमध्ये सापडला 'तो' धक्कादायक पुरावा!

राजा रघुवंशी यांची धारदार शस्त्राने हत्या करण्यात आली. या हत्येसाठी वापरलेले शस्त्र पोलिसांनी आधीच हस्तगत केले होते. त्यानंतर आता दुसरे शस्त्रही पोलिसांना मिळाले आहे. राजा रघुवंशी यांच्या हत्येसाठी वापरलेला दुसरा डाओ (माचेट) राज्य आपत्ती प्रतिसाद दलाने (एसडीआरएफ) जप्त केला. पोलिसांच्या म्हणण्यानुसार, पाच आरोपींनी राजाच्या हत्येत दोन डाओ वापरल्याची कबुली दिली. पहिला डाओ 2 जून रोजी जप्त करण्यात आला, तर दुसरा डाओ हत्येनंतर त्याच ठिकाणी फेकून दिला होता.

पूर्व खासी हिल्सचे पोलिस अधीक्षक विवेक सीयम सीयम म्हणाले की, पहिल्या डाओचा हँडलचा रंग नारंगी होता. हे धारधार शस्त्र 2 जून रोजी जप्त करण्यात आले. त्याच दिवशी राजाचा मृतदेह उंबलाई येथील रियात अरलियांग पार्किंग लॉटमधील वैसावडोंग धबधब्याजवळील एका खोल दरीतून सापडला.

पोलिसांच्या म्हणण्यानुसार, खून आरोपीने राजाची हत्या केल्यानंतर त्याच ठिकाणी स्टीलच्या हँडलसह दुसरे शस्त्र टाकले होते. एसडीआरएफ पथकाने घटनास्थळी सखोल शोध मोहीम राबवली. त्यानंतर दुसरा डाओ जप्त करण्यात यश मिळाले

राजा रघुवंशी हत्या प्रकरणात आतापर्यंत एकाच शस्त्राचा वापर झाल्याचे म्हटले जात होते. त्यानंतर पोलिसांनी सीन रीक्रिएशनच्या वेळी दुसरं शस्त्र सापडले आहे. या डाओला आता फॉरेन्सिक तपासणीसाठी पाठवण्यात येणार आहे.

राजाच्या हत्या प्रकरणाच्या तपासात दुसरं डाओ सापडणं हे अतिशय महत्त्वाचं समजलं जात आहे. आरोपींविरोधात भक्कम पुरावे जमा केले जात आहेत. त्यात आता या दुसऱ्या डाओमुळे आणखीच भर पडली आहे.

त्यांनी राजाला उंबलाई येथील रियात अरलियांग पार्किंग लॉटमध्ये बोलावले आणि तिथे त्याची हत्या केली. त्यानंतर त्यांनी मृतदेह वैसावडोंग धबधब्याजवळील एका खोल खड्ड्यात फेकून दिला. पोलिसांनी 5 आरोपींना अटक केली आहे आणि त्यांची चौकशी करत आहेत. आरोपींनी त्यांचा गुन्हा कबूल केला आहे आणि पोलिसांना हत्येची सविस्तर माहिती दिली आहे. पोलिस आता आरोपींविरुद्ध आरोपपत्र दाखल करण्याची तयारी करत आहेत.