Trending:

कराड हादरलं! 18 वर्षाच्या युवकाकडून साडेचार वर्षीय मुलीवर अत्याचार, आकाडी जेवणाच्या कार्यक्रमाला गेला अन्...

Published by:Saurabh Talekar

Last Updated:July 23, 2025 7:47 AM IST

Satara Crime News : पीडित मुलीची आई आकाडी जेवणासाठी मदत करण्याकरिता एका कार्यक्रमाला गेली होती. त्यावेळी ती आपल्या मुलीलाही सोबत घेऊन गेली होती.

इम्पॅक्ट शॉटतुमचा गेटवे लेटेस्ट न्यूज

Satara Crime News : साताऱ्यात गेल्या काही दिवसांपासून अंगावर काटा आणणाऱ्या घटना समोर येत आहेत. एकतर्फी प्रेम प्रकरणातून अल्पवयीन मुलीच्या गळ्याला चाकू लावून धमकावण्याचा प्रयत्न एका तरुणाने केला होता. अशातच आता कराड शहर पोलिसांच्या हद्दीत एका धक्कादायक घटनेने खळबळ उडाली आहे. एका अठरा वर्षीय युवकाने साडेचार वर्षांच्या चिमुरडीवर अत्याचार केल्याचं उघडकीस आलं आहे. त्यामुळे आता साताऱ्यात मोठी खळबळ उडाली आहे.

अल्पवयीन मुलीवर अत्याचार

पीडित मुलीची आई आकाडी जेवणासाठी मदत करण्याकरिता एका कार्यक्रमाला गेली होती. त्यावेळी ती आपल्या मुलीलाही सोबत घेऊन गेली होती. याच संधीचा फायदा आरोपीने घेतला. आरोपी युवकाने आपल्या घरात या अल्पवयीन मुलीवर अत्याचार केल्याची धक्कादायक घटना समोर आली आहे.

पोक्सो कायद्याअंतर्गत अटक

अल्पवयीन मुलीने झालेली घटना आईला सांगितल्यावर धक्काच बसला. त्यानंतर या गंभीर प्रकाराची तक्रार शहर पोलिस ठाण्यात दाखल होताच, पोलिसांनी तातडीने सूत्रं हलवत रात्री उशिरा त्या युवकाला पोक्सो कायद्याअंतर्गत अटक केली आहे. 18 वर्षाच्या युवकाच्या या कृत्यामुळे आता खळबळ उडाल्याचं पहायला मिळतंय.

साताऱ्यात चाललंय काय?

दरम्यान, साताऱ्यात एका प्रेमी तरुणाने खळबळ उडवून दिली होती. एका युवकाचे अल्पवयीन मुलीवर एकतर्फी प्रेम होतं. त्यावरुन संबंधित युवकाकडून आधी देखील पीडित मुलीला त्रास देण्यात आला होता. आता त्या शाळकरी मुलीला त्या युवकाने ताब्यात घेतलं आणि तिच्या गळ्याला चाकू लावला होता. त्यानंतर आता त्याला अटक करण्यात आली आहे.

view comments

Location :

Satara,Maharashtra

First Published :

July 23, 2025 7:47 AM IST

कराड हादरलं! 18 वर्षाच्या युवकाकडून साडेचार वर्षीय मुलीवर अत्याचार, आकाडी जेवणाच्या कार्यक्रमाला गेला अन्...