जुन्या प्रेमासाठी नवऱ्याचा खून, सासरच्यांनी सोनमचे फोटो टराटरा फाडले, वडिलांचा तो धक्कादायक दावा

मेघालय, शिलाँग, इंदौर : संपूर्ण देशाचे लक्ष लागून राहिलेल्या राघा आणि सोनम रघुवंशी बेपत्ता प्रकरणात नवा खुलासा झाला आहे. सोनमनेच लग्नाआधीच्या प्रेमासाठी अर्थात प्रियकरासाठी नवरा राजाचा खून केल्याची माहिती पोलिसांनी दिली आहे. मधुचंद्रासाठी (हनिमून) गेलेले जोडपे अचानक बेपत्ता झाल्याने त्यांचे पुढे काय झाले असेल? या चिंतेत संपूर्ण देश होता. गेल्या ८ दिवसांपासून पोलीसही या प्रकरणाचा कसून तपास करत होते. मात्र सोनमने तिच्या घरी फोन करून जिवंत असल्याचे कळवले आणि राजाचा मृतदेह देखील शिलाँगला मिळाल्याने पोलिसांनी कसून तपास केला असता सोनमने सुपारी देऊन राजाचा काटा काढल्याचे समोर आले आहे.