पतीच्या मृत्यूने पत्नी होती खूश; पोलिसांना म्हणाली, "रोज मारत होता", घरात सापडली अशी 'वस्तू' की...

पोलिसांनी दिलेल्या माहितीनुसार, विमलेशचा पती देवकी नंदन हा मजुरी करत होता आणि तो दारू पिऊन नेहमी पत्नीला मारहाण करत असे. पतीच्या त्रासाला कंटाळून पत्नीने त्याला धडा शिकवण्याचा निर्णय घेतला. 21 जूनच्या सायंकाळी देवकी नंदन दारू आणि चिकन घेऊन घरी आला. अर्धी बाटली दारू प्यायल्यानंतर तो बाहेर गेला, तेव्हा विमलेशने उरलेल्या दारूमध्ये झोपेच्या चार गोळ्या मिसळल्या. देवकी नंदन परत आल्यावर त्याने तीच गोळ्या मिसळलेली दारू प्यायली. यानंतर थोड्याच वेळात त्याची तब्येत बिघडली आणि त्याचा घरीच मृत्यू झाला. देवकी नंदनचा भाऊ गंगाराम याने या घटनेची माहिती पोलीस ठाण्यात दिली. त्याने वहिनी विमलेशवर हत्येचा आरोप केला.

खाजोरिया पोलीस स्टेशनचे प्रभारी राजीव कुमार यांनी सांगितले की, महिलेला सकाळी तिच्या घरातून अटक करण्यात आली. चौकशीदरम्यान विमलेशने आपला गुन्हा कबूल केला. महिलेने दिलेल्या माहितीनुसार, बेडरूममधून अल्प्राझोलम नावाच्या झोपेच्या गोळ्याही जप्त करण्यात आल्या, ज्या तिने 10 दिवसांपूर्वी आपल्या पतीला मारण्यासाठी मागवून घेतल्या होत्या.0