Wardha Crime News: अडचणीतलं घर, फीची चिंता अन् बारावीतल्या विद्यार्थीनीचं टोकाचं पाऊल, वर्धा हादरलं

वर्धा जिल्ह्यातील लोनसावळी गावात एक हृदय पिळवटून टाकणारी घटना समोर आली आहे. महाविद्यालयाचे प्रवेश शुल्क आणि कपड्यांसाठी पालकांकडून पैसे न मिळाल्यामुळे हताश झालेल्या 17 वर्षीय विद्यार्थिनीने राहत्या घरी गळफास घेऊन आत्महत्या केली. ही घटना शुक्रवारी (4 जुलै) रात्री उघडकीस आली. पुलगाव पोलिसांनी या प्रकरणी अकस्मात मृत्यूची नोंद केली आहे.

मृत विद्यार्थिनीचे नाव सोनिया वासुदेव उईके (वय 17, रा. लोनसावळी) असे आहे. सोनिया ही वर्धा येथील एका महाविद्यालयात शिक्षण घेत होती आणि रामनगर येथील शासकीय वसतिगृहात वास्तव्यास होती. अकरावीचे शिक्षण पूर्ण करून ती सध्या उन्हाळी सुट्टीसाठी गावात आली होती.