Akshaye Khanna : ... आणि अक्षय खन्नाने दिग्दर्शकाला दिला सर्वात मोठा शॉक; 'दिल चाहता है'च्या शूटिंगदरम्यानचा तो बोल्ड किस्सा

मुंबई : मनोरंजन विश्वात काही कलाकार असे असतात, जे प्रकाश झोतात नसतानाही प्रेक्षकांच्या मनात एक वेगळं स्थान कायम राखतात. सोशल मीडियावर जास्त ऍक्टिव्ह नसले, पब्लिसिटीमध्ये फारसे न दिसले, पार्टी-इव्हेंट्सपासून दूर राहिले… तरी एका भूमिकेने किंवा एका अभिव्यक्तीने पुन्हा चर्चेत येतात. अलीकडे हेच पुन्हा एकदा पाहायला मिळतंय, आणि त्याचं कारण आहे अक्षय खन्ना. ‘धुरंधर’मध्ये त्याचा सहज, पण खोली असलेला अभिनय दिसताच प्रेक्षक पुन्हा त्याच्याकडे वळले. त्याच्या शांत आकर्षणाकडे, त्याच्या डोळ्यांतून बोलणाऱ्या अभिनयाकडे आणि त्याच्या व्यक्तिमत्त्वातील त्या अलगद गूढ आकर्षणाकडे लोक पुन्हा ओढले जात आहेत.