Bigg Boss 19 : 'पुढच्या वेळेस कपडे घालून ये...' हे काय बोलून गेली मालती चहर; 'बिग बॉस'ने थेट राशनच बंद केलं

Bigg Boss 19 : 'बिग बॉस 19'च्या घरात मालती चाहरने वाइल्ड कार्ड एन्ट्री घेतल्यापासून घरात खूप वाद निर्माण झाले आहेत. आतापर्यंत तिचं फार कमी लोकांशी मैत्रीचं नातं निर्माण झालं आहे. घरातील अनेक मंडळींसोबत मात्र ती वाद घालतानाच दिसून येत आहे. फरहाना, नेहल आणि तान्याशी तर तिचं अजिबात जमत नाही. हे प्रत्येक एपिसोडमध्ये दिसून येतं. आगामी एपिसोडमध्ये मालती आणि नेहलमध्ये शिरा बनवण्यावरुन वाद निर्माण होतो आणि त्यामुळे घरातील वातावरण तापतं. मालतीच्या एका चुकीची शिक्षा घरातील सर्व सदस्यांना मिळते. बिग बॉस घरातील राक्षनमधील 11 गोष्टी रद्द करतात. मालती नेहलच्या कपड्यांवर कमेंट करते. त्यामुळे मालतीविरोधात घरातील सर्व सदस्य उभे ठाकतात. 15 ऑक्टोबरच्या 'बिग बॉस 19'च्या एपिसोडमध्ये प्रेक्षकांना हे पाहायला मिळणार आहे. निर्मात्यांनी या भागाचा प्रोमो आऊट केला आहे.