कोण आहे Bigg Boss Tamil 9 ची विजेती दिव्या गणेश? 8 वर्षांपूर्वी मोडलेला प्रसिद्ध अभिनेत्यासोबतचा साखरपुडा

Bigg Boss Tamil 9 : 'बिग बॉस तमिळ 9'च्या ट्रॉफीवर दिव्या गणेशने आपलं नाव कोरलं आहे. अनेक महिने चाललेल्या नाट्य, रणनीतीपूर्ण खेळ आणि भावनिक चढ-उतारांनंतर 'बिग बॉस तमिळ 9'ने अखेर प्रेक्षकांचा निरोप घेतला. वाइल्ड कार्ड स्पर्धक असलेल्या दिव्याने आपल्या विनोदबुद्धी, आत्मविश्वास आणि दमदार गेमप्लेमुळे प्रेक्षकांची मने जिंकली. 31 वर्षीय दिव्यावर सध्या सर्वत्र अभिनंदनाचा वर्षाव होत आहे. दिव्या या पर्वाची विजेती ठरल्याने चाहत्यांचा आनंद गगणात मावेनासा झाला आहे. 'बिग बॉस तमिळ 9'ची विजेती दिव्या गणेश ठरली असली तरी उपविजेता सहरीनाथन ठरला. तर विक्कल्स विक्रम तिसऱ्या आणि अरोरा सिंक्लेयर चौथ्या स्थानावर होते.