Bollywood Actress : ओटीटी नव्हे अभिनेत्रीला रिअलमध्येच मुंबईत डिजिटल अरेस्ट; सात तासांत लाखोंचा गंडा

Bollywood Actress : मुंबईतील अंधेरी भागात राहणाऱ्या छोट्या पडद्यावरील एका 26 वर्षीय अभिनेत्रीची दिल्ली पोलिस अधिकाऱ्याने डिजिटल अरेस्टच्या नावाखाली 7 तासांत तब्बल 6.5 लाखांची फसवणूक केली आहे. एका अॅपने कॉल स्पॅम म्हणून दाखवल्यानंतर अभिनेत्रीला फसवणूक झाल्याचे लक्षात आले. ओशिवरा पोलिसांनी याप्रकरणी FIR दाखल केली आहे. या एफआयआरनुसार, ही अभिनेत्री पाच महिन्यांपूर्वी पश्चिम बंगालहून मुंबईत आली होती. तिला एका व्यक्तीचा फोन आला, जो स्वत:ला एका फोन कंपनीचा कर्मचारी सांगत होता. त्याने तिला बँक व्यवहारांतील गैरप्रकारामुळे तिचे सिमकार्ड बंद होणार असल्याची माहिती दिली.