बॉलिवूड अभिनेत्रीच्या आयुष्यात दुहेरी संकट! एकीकडे भाऊ 444 दिवसांपासून तुरुंगात, दुसरीकडे पतीकडून छळ

सेलिनाने आपल्या भावासोबतचा एक फोटो शेअर करत पोस्ट लिहिली आहे की,"सुद्ध के मैदान से सलाखों तक, एका भारतीय सैनिकाचे दु:ख, माझ्या भावाशिवाय 444 दिवस. माझा भाऊ मेजर विक्रांत कुमार जेटली (निवृत्त) 1 वर्ष, 2 महिने, 17 दिवस , एकूण 443 दिवस झाले आहेत. पहिल्यांदा अपहरण झाल्यापासून आठ महिने त्याच्यासोबत कोणताही संपर्क झालेला नाही. त्याला मिडिल ईस्टमध्ये कुठेतरी नजरकैदेत ठेवण्यात आले आहे. तेव्हापासून मला खूप भीती वाटत आहे. माझ्या आयुष्यात भीती, आशा आणि एक शांतता आली आहे. मला भीती वाटते की त्यांच्या सोबत काय केले गेले असेल. मला भीती आहे कारण त्या शेवटच्या कॉलमध्ये त्यांनी काय सांगितले होते ते मला आठवतंय. एक असा कॉल ज्यात शब्दांपेक्षा जास्त वेदना होत्या, एक असा आवाज ज्यात जगासमोर न आलेली सत्यता दडलेली होती."

सेलिना जेटलीने सोशल मीडियावर एक पोस्ट शेअर करत सांगितले की शेवटच्या वेळी जेव्हा ती आपल्या भावाशी बोलली, तेव्हा त्याच्या आवाजात खूप वेदना होत्या आणि त्याचा तो आवाज आजही तिच्या कानात गुंजत राहतो. सेलिना जेटलीने लिहिलं आहे,"माझ्याकडे उत्तरांपेक्षा प्रश्न जास्त आहेत. प्रत्येक क्षणात भीती आहे. मेजर विक्रांत जेटली यांनी आपल्या संपूर्ण तरुणपणात देशाची सेवा केली. आपल्या कर्तव्यात ते अनेकदा जखमीही झाले. आता भारत विश्वगुरू बनण्याच्या मार्गावर असताना, आपल्या निवृत्त सैनिकांना विदेशात लक्ष्य केले जात आहे. हे आता फक्त वैयक्तिक उरलेले नाही. आपल्या सैनिकांना आणि माजी सैनिकांना विदेशात उचलून नेण्याची ही सुरू झालेली पद्धत काय आहे? आपल्या राष्ट्रीय सुरक्षेलाही ही पद्धत धोका निर्माण करत नाही? आपण हे प्रश्न विचारले पाहिजेत. आपण उत्तरांची मागणी केली पाहिजे. आपण दुर्लक्ष करू नये".

सेलिनाने काही दिवसांपूर्वी कोर्टात माहिती दिली होती की तिचा भाऊ विक्रांत 2016 पासून UAE मध्ये राहत होता आणि 2024 मध्ये त्याला राष्ट्रीय सुरक्षेचे कारण देत ताब्यात घेण्यात आले. सुनावणीदरम्यान दिल्ली हायकोर्टाने संबंधित अधिकाऱ्यांना निर्देश दिले की UAE मध्ये विक्रांतला योग्य कायदेशीर प्रतिनिधित्व उपलब्ध करून द्यावे. अभिनेत्रीने आपल्या याचिकेत UAE मध्ये भावासाठी कायदेशीर प्रतिनिधी नेमण्याची मागणीही केली होती. पण आता अभिनेत्रीचा पतीकडून छळ होत आहे. त्यामुळे अभिनेत्री दुहेरी संकटात आहे.