'बाई वाड्यावर' या म्हणत हलवली कंबर, डोक्यावर टोपी अन् हिम्मतरावांचा गौतमी पाटीलसोबत हटके डान्स, VIDEO

हिम्मतराव म्हणजेच आप्पा यांची भूमिका साकारणारे अभिनेते माधव अभ्यंकर यांनी या डान्ससाठी खास लुक तयार केला आहे. डोक्यावर स्टायलिश टोपी, गळ्यात मफलर आणि ट्रॅडिशनल अंदाजात ते गौतमीसोबत नाचताना दिसत आहेत. माधव अभ्यंकर यांनी यापूर्वी आण्णा नाईक यांची भूमिका साकारून प्रेक्षकांची मने जिंकली होती. आता हिम्मतरावच्या या नव्या अंदाजाने ते पुन्हा एकदा चर्चेत आले आहेत. गौतमीच्या लावणीच्या तालावर आप्पांचा हा डॅशिंग डान्स प्रेक्षकांना प्रचंड आवडला आहे.

( Usha Nadkarni: 'काम करताना मरण आलं पाहिजे..', उषा नाडकर्णीला अश्रू अनावर, असं का म्हणाल्या आऊ? )

मालिकेच्या कथानकात हिम्मतराव यांनी गोपाळच्या लेडीज टेलरिंगच्या ओपनिंगला स्पष्ट नकार दिला होता. मात्र, गौतमीच्या डान्ससाठी ते खास तयार होऊन आले आहेत. ‘बाई वाड्यावर’ गाण्यावर त्यांनी गौतमीसोबत केलेला डान्स मालिकेच्या आजच्या भागात प्रेक्षकांना पाहायला मिळणार आहे. हा डान्स मालिकेत नवा ट्विस्ट घेऊन येणार असल्याचे संकेत मिळत आहेत.

'देवमाणूस मधला अध्याय'च्या आजच्या भागात गौतमी आणि हिम्मतराव यांच्या डान्ससह मालिकेत काही नवे ट्विस्ट पाहायला मिळणार आहेत. गौतमीच्या लावणीने मालिकेचा रंग अधिकच खुलणार आहे. प्रेक्षकांना हा भाग नक्कीच आवडेल, यात शंका नाही.