मृण्मयी देशपांडेच्या अडचणी वाढल्या, 'मना'चे श्लोक' चित्रपटावर बॅनची टांगती तलवार, काय आहे नेमका वाद?

मुंबई : गेल्या काही महिन्यांपासून मराठी सिनेसृष्टीत नवनवीन विषयांवर आधारित अनेक चित्रपट प्रदर्शित होताना दिसत आहेत. गुलकंद, आता थांबायचं नाय, दशावतार यांसारख्या सिनेमांनी बॉक्स ऑफिसवर कमाल केली, तर बिन लग्नाची गोष्ट, आरपार या सिनेमांमधून नातेसंबंधांवर आधारित प्रश्नांवर अलगद हात घालण्यात आला आहे. लवकरच मृण्मयी देशपांडे दिग्दर्शित 'मनाचे श्लोक' हा सिनेमा रिलीज होणार आहे. या चित्रपटातूनही प्रेम, लग्न, भावना या गोष्टी नव्या पद्धतीने मांडण्यात येणार आहेत. मात्र, सिनेमाचं प्रमोशन सुरू असतानाच एक नवा वाद सुरू झाला आहे, ज्यामुळे चित्रपटाच्या रिलीजवर प्रश्नचिन्ह उभे राहिले आहेत.