अगं अगं सुनबाई! काय म्हणताय सासूबाई? 'बाईपण भारी देवा' नंतर सासू-सुनेचा धमाल ड्रामा; फोटोतील या दोघी कोण?

'बाईपण भारी देवा'च्या तुफानी यशानंतर सुप्रसिद्ध दिग्दर्शक केदार शिंदे पुन्हा एकदा प्रेक्षकांची मने जिंकण्यासाठी सज्ज आहेत. महिलांच्या मनातल्या भावना, त्यांच्या नात्यांमधला विनोद आणि संवेदना पडद्यावर आणण्यात त्यांचा हातखंडा आहे. 'अगं अगं सुनबाई! काय म्हणताय सासूबाई?' या नव्याकोऱ्या सिनेमाची त्यांनी नुकतीच घोषणा केली आहे. सिनेमाचं पहिलं पोस्टर नुकतंच सोशल मीडियावर शेअर करण्यात आलं असून सिनेमाची रिलीज डेटही सांगितली आहे. सिनेमाचे दिग्दर्शक केदार शिंदे आहेत तर सिनेमाची निर्मिती त्याच मुलगी सना शिंदे हिनं केली आहे.