Prithvik Pratap : जिंकलस भावा! 'महाराष्ट्राची हास्यजत्रा' फेम पृथ्वीक प्रतापला भेटल्या 93 वर्षीय आजी; तोंडभरून केलं कौतुक

आजींच्या भेटीबद्दल न्यूज 18 मराठीसोबत बोलताना पृथ्वीक म्हणतो,"मी घराजवळ गाडीचं काम करत असताना एक 93 वर्षीय आजी आपल्या 55-60 वर्षीय मुलासह बागेत फेरफटका मारायला जात असताना मला भेटायला. आजींनी लांबूनच मला ओळखलं होतं. मला भेटून आजींना खूप आनंद झाला होता. त्यांना ऐकू कमी येतं. पण तरी लिप मुव्हमेंटच्या माध्यमातून त्या हास्यजत्रेचा प्रत्येक एपिसोड आनंदाने पाहतात. दिवसभर त्यांच्या घरी 'महाराष्ट्राची हास्यजत्रा' हा कार्यक्रम सुरू असतो. आजी लिप मुव्हमेंटनेच पंचेचपण ओळखतात. हास्यजत्रेसारख्या कार्यक्रमामुळे आमचं आयुष्य वाढतं, अशी भावना आजींनी यावेळी व्यक्त केली".

पृथ्विकच्या व्हिडीओवर चाहत्यांनी कमेंट्सचा वर्षाव केला आहे. 'जिंकलस भावा, कोणत्याही पुरस्कारापेक्षा हा आनंद सगळ्यात जास्त महत्त्वाचा, अभिमान वाटतो, आणखी काय हवं, हेच कमवायचं असतं, अशा कमेंट्स चाहत्यांनी केल्या आहेत.