Sandya Shantaram : शांताराम बापूंची 2 लग्न मोडल्यानंतर आयुष्यात आली होती संध्या, दिली शेवटपर्यंत साथ, फिल्मी आहे Love Story

Sandya Shantaram V. Shantaram : ज्येष्ठ अभिनेत्री संध्या शांताराम यांच्या निधनाने मराठी-हिंदी इंडस्ट्रीत मोठी पोकळी निर्माण झाली आहे. संध्या शांताराम या हिंदी-मराठी सिनेसृष्टीतील दिग्गज दिग्दर्शक व्ही. शांताराम यांच्या तिसऱ्या पत्नी होत्या. व्ही. शांताराम हे दिसायला देखणे होते. त्यामुळे शूटिंगदरम्यान अनेक स्त्रीया त्यांच्या प्रेमात पडत असे. वैयक्तिक आयुष्यात व्ही. शांताराम यांनी तीन लग्न केली. चित्रपटांप्रमाणे त्यांच्या वैयक्तिक आयुष्याचीदेखील चांगली चर्चा रंगली. व्ही. शांताराम यांच्या पहिल्या पत्नीचे नाव विमलाबाई, दुसऱ्या पत्नीचे नाव जयश्री आणि तिसऱ्या पत्नीचे नाव संध्या. संध्या शांताराम या अभिनेत्री असण्यासोबत डान्सर होत्या. व्ही. शांताराम यांनी पहिल्या पत्नीला घटस्फोट दिल्यानंतर अवघ्या एका महिन्याच्या आतच संध्यासोबत लग्न केलं होतं.