दिलजीत दोसांझला पाठिंबा देऊन पुरते फसले नसीरुद्दीन शाह, डिलीट करावी लागली पोस्ट, असं काय म्हणाले होते?

मुंबई : बॉलिवूडचे ज्येष्ठ अभिनेते नसीरुद्दीन शाह त्यांच्या स्पष्टवक्तेपणासाठी नेहमीच ओळखले जातात. ते अनेकदा सामाजिक आणि राजकीय घडामोडींवर आपली मतं थेटपणे मांडतात, आणि त्यासाठी ते सोशल मीडियाचा प्रभावी वापर करतात. नुकतंच त्यांनी वादाच्या भोवऱ्यात सापडलेल्या पंजाबी गायक-अभिनेता दिलजीत दोसांझला पाठिंबा दिला होता, मात्र या पाठिंब्यामुळे खुद्द नसीरुद्दीन शाह यांनाही मोठ्या प्रमाणात टीकेला सामोरं जावं लागलं. विशेष म्हणजे, त्यांनी दिलजीतला पाठिंबा देणारी ती पोस्ट आता डिलीट केली असून, एक नवीन, सूचक पोस्ट शेअर केली आहे, ज्यामुळे पुन्हा एकदा चर्चांना उधाण आलं आहे.