2 महिन्यांआधी जग सोडून, तरी परागने शेफालीसोबत केली बाप्पाची आरती; इमोशनल करणारा VIDEO VIRAL

मुंबई : शेफाली जरीवालाच्या निधनाला 2 महिने झाले आहेत. पण तिचा नवरा पराग त्यागी आजही तिच्या आठणीत आहे. शेफालीच्या निधनानंतर पराग किती वेदना सहन करत असेल याची कोणीही कल्पना करू शकत नाही. पण पराग आजही शेफालीला आठवणींमधून आणि इतर गोष्टींमधून जीवंत ठेवण्याचा सर्वतोपरी प्रयत्न करत आहे. त्याने काही दिवसांआधी त्याच्या छातीवर त्याच्या शेफालीचा फोटो टॅटू म्हणून काढला. त्यांच्या घरी दरवर्षी गणपती बसवत होते पण शेफालीच्या मृत्यूनंतर गणपती बसवणार का असा प्रश्न सर्वांना पडला. पण शेफालीच्या सगळ्या इच्छा पूर्ण करायचं असं ठरवून परागने घरी गणपती बसवला. अभिनेत्याने गणेश चतुर्थी थाटामाटात साजरी करून तिची इच्छा पूर्ण केली. शेफाली जरी या जगात नसली तरी त्याने तिच्याबरोबर गणपती बाप्पाची आरती केली.