पायात कोल्हापूरी अन् हातात बंदूक, काशीबाईनंतर प्रियांका चोप्रा पुन्हा मराठमोळ्या लुकमध्ये
- Published by:Manjiri Pokharkar
Last Updated:
Priyanka Chopra First Look Globetrotter : बॉलिवूड अभिनेत्री प्रियंका चोप्रा सध्या आपल्या आगामी 'ग्लोबट्रोटर' चित्रपटामुळे चर्चेत आहे. नुकतंच या चित्रपटाचं फर्स्ट पोस्टर आऊट झालं आहे.
Priyanka Chopra : बॉलिवूड अभिनेत्री प्रियंका चोप्रा सध्या आपल्या आगामी 'ग्लोबट्रोटर' चित्रपटामुळे चर्चेत आहे. नुकतंच या चित्रपटाचं फर्स्ट पोस्टर आऊट झालं आहे. एस.एस. राजामौली (S.S. Rajamouli) यांच्या बहुप्रतीक्षित पॅन-इंडिया ‘ग्लोबट्रॉटर’ या चित्रपटात प्रिंयका महेश बाबू (Mahesh Babu) सोबत धमाकेदार पुनरागमन करण्यास सज्ज आहे. दीर्घ प्रतीक्षेनंतर दिग्दर्शकांनी या अॅक्शन-अॅडव्हेंचर चित्रपटाचा जबरदस्त फर्स्ट लूक शेअर केला आहे. यातील प्रियंकाचा लूक सर्वांच्या नजरा खिळवून ठेवत आहे.
राजामौलींकडून ‘देसी गर्ल’चे स्वागत
12 नोव्हेंबर 2025 रोजी दाक्षिणात्य सिनेसृष्टीतील लोकप्रिय सिने दिग्दर्शक एस.एस. राजामौली यांनी आपल्या सोशल मीडिया अकाउंटवर प्रियंका चोप्राचा ‘ग्लोबट्रॉटर’ फर्स्ट लूक पोस्टर शेअर करत तिचं दमदार स्वागत केलं. त्यांनी आपल्या कॅप्शनमध्ये लिहिलं,“ही महिला जिने भारतीय सिनेमाला जागतिक स्तरावर नवा आयाम दिला. देसी गर्ल, वेलकम बॅक! जगाला तुझ्या मंदाकिनीचे असंख्य रंग पाहायची आतुरता आहे.”
advertisement
प्रियंकाने शेअर केला फर्स्ट लूक
प्रियंका चोप्रानेही आपला ‘ग्लोबट्रॉटर’ चित्रपटातील फर्स्ट लूक सोशल मीडियावर शेअर केला आहे. फर्स्ट लूक शेअर करत तिने भन्नाट कॅप्शन लिहिलं आहे,"ती दिसते त्यापेक्षा कितीतरी अधिक आहे... मंदाकिनीला हॅलो म्हणा". पोस्टरमध्ये ‘देसी गर्ल’ प्रियंका पिवळ्या रंगाची साडी, पायात कोल्हापुरी आणि हातात बंदूक घेतलेली दिसत आहे. पण या लूकचं खास वैशिष्ट्य म्हणजे तिचा अॅक्शन मोड. हाहात बंदूक घेऊन प्रियंका उभी आहे.
advertisement
advertisement
बॉलिवूडकरांना प्रियकांच्या चित्रपटाची प्रतीक्षा
प्रियंकाच्या या पोस्टवर बॉलिवूड सेलेब्रिटी प्रतिक्रिया देत आहेत. तिच्या ‘गुंडे’ चित्रपटातील को-स्टार रणवीर सिंहने लिहिलं, “व्हेरी कूल”, तर आर. माधवनही प्रियंकाच्या या लूकवर फिदा झाला आणि कमेंट केली आहे की,“काय लूक आणि काय इम्पॅक्ट आहे!”. याशिवाय भूमी पेडणेकरसह अनेक सेलिब्रिटींनीही ‘देसी गर्ल’च्या पोस्टवर प्रतिक्रिया दिली आहे.
advertisement
'RRR' नंतर राजामौलींचा सर्वात मोठा प्रोजेक्ट
view commentsएस.एस. राजामौली यांचा हा चित्रपट गेल्या बराच काळापासून चर्चेत आहे. सांगितलं जातंय की, ‘आरआरआर’च्या प्रचंड यशानंतर हा त्यांचा सर्वात मोठा प्रोजेक्ट आहे. अद्याप या चित्रपटाचं अधिकृत नाव जाहीर करण्यात आलेलं नाही. तरी सध्या त्याला SSMB29 या नावाने ओळखलं जातं. मात्र, 15 नोव्हेंबर 2025 रोजी हैदराबादमध्ये होणाऱ्या लॉन्च इव्हेंटमध्ये या चित्रपटाचं अधिकृत नाव जाहीर होण्याची अपेक्षा आहे.
Location :
Mumbai,Maharashtra
First Published :
November 13, 2025 1:45 PM IST
मराठी बातम्या/मनोरंजन/
पायात कोल्हापूरी अन् हातात बंदूक, काशीबाईनंतर प्रियांका चोप्रा पुन्हा मराठमोळ्या लुकमध्ये
