Rakhi Sawant : 'बालिका वधू' फेम अभिनेत्री अविका गौर आणि अभिनेता मिलिंद चंदवानी नुकतेच लग्नबंधनात अडकले आहेत. बॉलिवूडकरांच्या उपस्थितीत त्यांचा शाही लग्नसोहळा पार पडला. हिंदी मनोरंजनसृष्टीतील अनेक सेलिब्रिटी या लग्नसोहळ्याला उपस्थित होते. पण या लग्नसोहळ्याची शान वाढवली ती बॉलिवूडची 'ड्रामा क्वीन' राखी सावंतने. अविकाच्या लग्नासाठी राखी खास दुबईहून भारतात आली होती. या लग्नसोहळ्यात आपल्या हटके अंदाजाने राखीने उपस्थितांचं लक्ष वेधून घेतलं. सोशल मीडियावर राखीने लग्नसोहळ्यातील व्हिडीओ व्हायरल होत आहेत. राखी सावंत आता 'बिग बॉस 19'च्या घरात जाण्यासाठी सज्ज आहे. ड्रामा क्वीनने स्वत:चं याबद्दल माहिती दिली आहे. त्यामुळे 'बिग बॉस 19'च्या घरात ड्रामा क्वीन राखी सावंतची वाइल्ड कार्ड एन्ट्री होणार का? असा प्रश्न चाहत्यांना पडला आहे.