Deepika Padukone : आरारारा खतरनाक! हातात बंदूक, डोक्याला जखम; लेडी सिंघम बनून दीपिका करणार राडा

मुंबई, 15 ऑक्टोबर : रोहित शेट्टीचे कॉप युनिव्हर्स वर आधारित चित्रपट बॉक्स ऑफिसवर धमाकाच करतात. आतापर्यंत 'सिंघम', सूर्यवंशी, 'सिंबा' या चित्रपटांना प्रेक्षकांनी अक्षरशः डोक्यावर घेतलं. रोहित शेट्टीचा ‘सिंघम’ हा चित्रपट विशेष गाजला. त्यानंतर त्याचा दुसरा भागसुद्धा प्रदर्शित झाला. आता या चित्रपटाच्या तिसऱ्या भागाची चर्चा सुरू झाली आहे. 'सिंघम अगेन' चित्रपटाची घोषणा झाली असून त्याच्या चित्रीकरणालाही सुरुवात झाली आहे. या चित्रपटात रोहित शेट्टीचे कॉप युनिव्हर्समधील आजवरचे सगळे अभिनेते अर्थात अजय देवगण, सिम्बा आणि अक्षय कुमार हे तिघेही झळकणार आहेत. पण त्यांच्यासोबतच चित्रपटात एक लेडी सिंघमही झळकणार आहे.