व्हिएतनामच्या किनाऱ्यावर सचिन पिळगांवकरांनी गायलं 50 वर्ष जुनं गाणं; लेकीने शेअर केला फॅमिली ट्रिपमधला सर्वात क्यूट VIDEO

मुंबई : काही गाणी वेळेच्या पलीकडे असतात, आणि जेव्हा ती गाणी खुद्द त्या सुपरस्टारच्या तोंडून ऐकायला मिळतात, तेव्हा तो क्षण सोन्यासारखा होतो. मराठी आणि हिंदी सिनेसृष्टीतील एव्हरग्रीन अभिनेते सचिन पिळगांवकर सध्या आपल्या कुटुंबासोबत व्हिएतनामच्या निसर्गरम्य सहलीचा आनंद घेत आहेत. या सहलीदरम्यानचा एक अत्यंत सुंदर व्हिडिओ त्यांची मुलगी आणि अभिनेत्री श्रिया पिळगांवकर हिने सोशल मीडियावर शेअर केला आहे, जो पाहून चाहते पुन्हा जुन्या आठवणीत रमले आहेत.