अभिनेता श्रेयस तळपदेवर गुन्हा दाखल, 5 कोटी फसवणूक प्रकरणात मोठी कारवाई

पाच वर्षांत पैसे दुप्पट करण्याचे आश्वासन देऊन बागपतमधील 500हून अधिक लोकांची 5 कोटी रुपयांची फसवणूक करण्यात आली. लोणी अर्बन मल्टी-स्टेट क्रेडिट अँड थ्रिफ्ट कोऑपरेटिव्ह सोसायटीने गुंतवणूकदारांना फसवल्याचा आरोप आहे. गुन्हा दाखल केल्यानंतर पोलिसांनी तपास सुरू केला आहे. पाच वर्षांत पैसे दुप्पट करण्याचे आश्वासन देऊन सोसायटीने लोकांना गुंतवणूकीचे आमिष दाखवले. गुंतवणूकदारांना एक वर्षापासून त्यांचे पैसे मिळाले नाहीत, त्यामुळे एजंटांनी बागपत पोलीस ठाण्यात तक्रार दाखल केली.

( इन्स्टाग्रामवर ओळख, लग्नाचं आमिष दाखवून 19 वर्षीय तरुणीवर अत्याचार; बॉलिवूडच्या फेमस संगीतकाराला मुंबईत अटक )

श्रेयस तळपदे आणि आलोक नाथ हे सोसायटीचे ब्रँड अ‍ॅम्बेसेडर होते आणि ते वारंवार कार्यक्रमांमध्ये कंपनीची जाहिरात करत असत. म्हणूनच त्यांच्यावरही या फसवणुकीच्या प्रकरणात आरोप ठेवण्यात आले आहेत.

मीतली गावातील रहिवासी बबली यांनी सांगितले की, बिजरौल गावातील एक तरुण सोसायटीशी संबंधित होता आणि त्यांच्या गावाला वारंवार येत असे. त्यांनी दावा केला की सोसायटी भारत सरकारच्या कृषी आणि सहकार मंत्रालयाकडे नोंदणीकृत आहे. कंपनीच्या अधिकाऱ्यांशी बोलल्यानंतर, बबलीने बागपत केंद्रातून समलखा, हरियाणा शाखेत 1.90 लाख रुपयांची एफडीची व्यवस्था केली. त्यानंतर अंगणवाडी सेविका शर्मिला आणि सूरज तसेच लुहारी गावातील इतरांचे पैसे देखील गुंतवले गेले.

27 नोव्हेंबर 2024 रोजी सोसायटीने अचानक त्यांचे व्यवहार सॉफ्टवेअर बंद केल्याचा आरोप आहे. समलखा कार्यालयातील अधिकाऱ्यांशी संपर्क साधण्यात आला परंतु समाधानकारक प्रतिसाद मिळाला नाही. एजंट्सनी सांगितले की, सोसायटीने जिल्ह्यात 25 हून अधिक एजंटांची भरती केली आहे आणि 500 हून अधिक लोकांकडून 5 कोटी रुपयांपेक्षा जास्त रक्कम वसूल केली आहे.

फसवणूक प्रकरणानंतर बागपत कोतवाली पोलिसांनी 22 आरोपींविरुद्ध गुन्हा दाखल केला आहे आणि चौकशी सुरू केली आहे. कोतवाली प्रभारी दीक्षित त्यागी यांनी सांगितले की या प्रकरणात गुन्हा दाखल करण्यात आला आहे आणि तपासाच्या आधारे कारवाई केली जाईल.