Ajay Purkar : 'सुभेदार' पाहताच ढसाढसा रडली अजय पुरकरांची लेक; बाप लेकीचा सुंदर व्हिडीओ पाहून व्हाल भावुक

दिग्दर्शक दिग्पाल लांजेकर ‘शिवराज अष्टकाची निंर्मिती करत आहेत. त्याअंतर्गत आजवर फर्जंद, फत्तेहशिकस्त, पावनखिंड आणि शेर शिवराज हे चित्रपट प्रदर्शित झाले. या चित्रपटांना भरभरून यश मिळालं. ‘पावनखिंडने तर कमाईचे अनेक विक्रम मोडले. याच अष्टकातील पाचवा चित्रपट सुभेदार आता प्रेक्षकांच्या भेटीला आला होता. त्यातीलच 'सुभेदार' हा पाचवा चित्रपट आहे. सुभेदार हा चित्रपट नरवीर तान्हाजी मालुसरे यांच्या सिंहगडावरील पराक्रमावर आधारित आहे. या चित्रपटात तान्हाजी मालुसरेंच्या भूमिकेत अजय पुरकर झळकले आहेत.

या चित्रपटाच्या प्रीमियरला अजय पुरकर यांच्या कुटुंबीयांनी हजेरी लावली होती. त्यांनी कुटुंबासहित हा चित्रपट पहिला. हा चित्रपट संपताच उपस्थित प्रेक्षकांनी आणि कलाकारांनी एकच जल्लोष केला. पण अजय पुरकरांची मुलगी मात्र बाबांचा अभिनय पाहून ढसाढसा रडत होती. त्याचा व्हिडीओ नुकताच समोर आला आहे. लेकीच्या डोळ्यातलं पाणी पाहून अजय पुरकरांना त्यांच्या अभिनयाची पावती मिळाली असं म्हणणं वावगं ठरणार नाही.

सुभेदार तान्हाजी मालुसरे यांचे कल्याणकारी जीवनकार्य तसेच स्वराज्यासाठीच्या बलिदानाची तेजस्वी यशोगाथा मांडणाऱ्या दिग्पाल लांजेकर लिखित-दिग्दर्शित ‘सुभेदार’ चित्रपटाद्वारे आपल्याला पुन्हा एकदा इतिहासाचे साक्षीदार होण्याची संधी मिळाली आहे. सुभेदार या सिनेमात मागील सिनेमांप्रमाणेच अभिनेता चिन्मय मांडलेकर छत्रपती शिवाजी महाराजांच्या भुमिकेत आहे. तर अभिनेत्री मृणाल कुलकर्णी जिजाबाईंच्या भुमिकेत पाहायला मिळणार आहे. तर अभिनेते अजय पुरकर सुभेदार तान्हाजी मालुसरेंच्या प्रमुख भुमिकेत आहेत. त्याचप्रमाणे अभिनेत्री स्मिता शेवाळे, अभिजीत श्वेतचंद्र, मृण्मयी देशपांडे सारखे कलाकार आहेत. आता या चित्रपटाला प्रेक्षक कसा प्रतिसाद देतात ते पाहणं महत्वाचं आहे.