खासदार कंगनाचा 'इमर्जन्सी' सिनेमा, पुणेकरांना कसा वाटला? VIDEO

पुणे : प्रसिद्ध अभिनेत्री आणि खासदार कंगना राणावतचा बहुप्रतिक्षित असलेला इमर्जन्सी चित्रपट हा आज प्रदर्शित झाला आहे. या चित्रपटात कंगना राणावत इंदिरा गांधी यांच्या भूमिकेत असून अभिनेता अनुपम खेर आणि श्रेयश तळपदे हे जयप्रकाश नारायण तर अटलबिहारी वाजपेयी यांच्या भूमिकेत पाहिला मिळत आहेत. या चित्रपटासाठी 25 कोटी रुपये खर्च केला असून हा चित्रपट इंदिरा गांधी यांनी लावलेल्या आणीबाणी आणि काँग्रेस काळात घडलेल्या घटना यामध्ये पाहिला मिळत आहेत. पुणेकरांना नेमका हा चित्रपट कसा वाटला? याबद्दल लोकल 18 च्या प्रतिनिधीने जाणून घेतलं.

70 ते 80 च्या दशकात जे घडलं ते खूप खतरनाक होतं. मी त्या काळात नव्हतो पण माझे वडिलांचा जन्म हा त्या काळात झाला. त्यांच्याकडून काही गोष्टी ऐकल्या. जे घडलं आहे ते प्रत्यक्ष बघण्यात जी मजा आहे ती मिळाली. आताच्या परिस्थितीत लोकांनी खरंच हा चित्रपट बघावा. त्या काळात घडलेल्या घटना या आजोबांनी सांगितल्यामुळे हा चित्रपट बघताना काही आठवल्या परंतु त्या यामध्ये दाखवल्या नाहीत. परंतु चित्रपट खरंच चांगला असून प्रत्येकाने तो बघितला पाहिजे, असंही एका प्रेक्षकाने सांगितलं.