Dombivli Water Cut : डोंबिवलीकरांनो लक्ष द्या! शहरात तब्बल 15 तास पाणीबाणी, जाणून घ्या वेळापत्रक
Last Updated:
Dombivli Water Cut New : डोंबिवली पूर्व आणि पश्चिमेत मंगळवारी काही तासांसाठी पाणीपुरवठा बंद राहणार आहे. नेतीवली जलशुद्धीकरण केंद्रातील पाइपलाइन बदल आणि पाणी वितरण दुरुस्ती यासाठी ही कारवाई करण्यात आली असून नागरिकांना पाणी साठवण्याचे आवाहन आहे.
डोंबिवली : डोंबिवली शहरात राहणाऱ्या नागरीकांसाठी महत्त्वाची माहिती समोर येत आहे. जे की महापालिकेच्या नेतीवली जलशुद्धीकरण केंद्रात फिल्टरबेड आउटलेट पाइपलाइन बदलण्याचे काम शिवाय डोंबिवली विभागातील पाणी वितरण व्यवस्थेची दुरुस्ती करण्यात येणार असल्याने या शहरातील पाणीपुरवठा बंद ठेवण्यात येणार आहे. नक्की हा पाणीपुरवठा किती तास आणि कोणत्या दिवशी बंद असणार आहे याबाबत नागरीकांनी सविस्तर माहिती पाहा.
डोंबिवलीत 'या' वेळेत असणार मोठी पाणी कपात
मिळालेल्या माहितीनुसार, महापालिकेच्या जलशुद्दीकरण केंद्रात आणि डोंबिवली विभागातील पाणी वितरण व्यवस्थेसंबंधित दुरूस्ती करण्याचे काम हाती घेण्यात आलेले आहे. या सर्व कामामुळे येत्या मंगळवारी डोंबिवली शहरात जास्त तासांसाठी पाणीपुरवठा बंद ठेवण्यात येणार आहे. जो साधारण सकाळी 9 ते रात्री 12 वाजेपर्यंत असणार आहे. अर्थात तब्बल 15 तासांसाठी डोंबिवली पूर्व आणि पश्चिम या भागांना पाणी मिळणार नाही.
advertisement
पाणी पुरवठा बंद असण्याच्या कालावधीत नागरिकांनी पाण्याचा साठा करून ठेवण्याचे आवाहन महापालिकेने केले आहे. पाइपलाइन बदलणे आणि वितरण यंत्रणा सुधारण्याचे हे काम अत्यंत महत्त्वाचे असल्याने काही काळ त्रास होणार असला तरी पुढील काळात पाण्याच्या पुरवठ्यात सुधारणा होण्याची अपेक्षा आहे.
काम पूर्ण झाल्यानंतर पाणीपुरवठा पूर्ववत सुरू केला जाईल. मात्र, सुरुवातीच्या काही तासांमध्ये कमी दाबाने पाणी येऊ शकते अशीही शक्यता व्यक्त करण्यात आली आहे. महापालिकेने नागरिकांना संयम ठेवण्याची विनंती केली आहे.
view commentsLocation :
Mumbai,Maharashtra
First Published :
December 07, 2025 7:20 AM IST
मराठी बातम्या/Kalyan Dombivli/
Dombivli Water Cut : डोंबिवलीकरांनो लक्ष द्या! शहरात तब्बल 15 तास पाणीबाणी, जाणून घ्या वेळापत्रक


