'ती' गोष्ट महागली! कल्याण-डोंबिवलीकरांच्या दैनंदिन खर्चात मोठी वाढ, कारण आहे...

जर प्रवाशांना रिक्षाचालक मनमानी भाडे सांगत असेल किंवा मीटर न लावत असेल किंवा भाडे नाकारत असेल, तर त्याबाबत कल्याण आरटीओच्या मोबाइल नंबरवर तक्रार करता येते. मात्र, सामान्य प्रवाशांना हा नंबर माहिती नसल्यामुळे तक्रार करणे अवघड जाते. त्यामुळे प्रवाशांना त्रास होतो आणि जनजागृती करणे आवश्यक आहे असे ते म्हणतात.

रिक्षाचालक मीटर न वापरण्याची कारणे अशी सांगतात की, लांबचे भाडे हवे, मनमानी भाडे आकारायचे, कधी कधी हाफ मीटर टाकायचे, जेणेकरून तांत्रिक बिघाड असल्याचे दाखवता येईल. परंतु नियमानुसार प्रवाशाने मीटर वापरायला सांगितल्यास रिक्षाचालकाला मीटर लावून ठरलेले भाडे आकारणे बंधनकारक आहे.

कल्याण आरटीओ हद्दीत नियमाचे पालन फारसे होत नाही. शेअरिंग रिक्षांमध्ये नियमाने तीन प्रवासी असणे अपेक्षित असताना, पाच प्रवासी घेतले जातात. पहिल्या टप्प्याचे दरपत्रक शेअरसाठी 12 रुपये आणि मीटरसाठी 26 रुपये आहे, तरीही रिक्षाचालक शेअरला 15-20 रुपये घेतात.