ब्रिटिश लोक वेडी झाली होती 'डाक बंगला चिकन' ची, असं नाव का पडलं आणि रेसिपी तरी काय?

'डाक' हा शब्द बंगाली भाषेत टपाल व्यवस्थेसाठी वापरला जातो. या चिकन करीचं नाव डाक बंगल्यावरून पडलं, जे मुळात दुर्गम भागात तैनात ब्रिटिश अधिकाऱ्यांना राहायला दिलेलं सर्किट हाउस होतं. ब्रिटिश अधिकार्‍यांसाठी सर्किट हाउसच्या स्थानिक स्वयंपाकींनी हा पदार्थ बनवला होता. या पदार्थाच्या चवीचं बंगाली पाककृतीशी साम्य होतं, जे नंतर बंगालच्या खाद्य संस्कृतीचा एक लोकप्रिय भाग बनलं,या संदर्भातलं वृत्त 'टाइम्स ऑफ इंडिया'ने दिलं आहे.

चिकन डाक बंगला आणि या प्रदेशातल्या इतर स्वादिष्ट पदार्थांवर ब्रिटिश खाद्यसंस्कृतीचा जोरदार प्रभाव होता. यात स्थानिक साहित्य आणि मसाले एकत्र केले गेले होते. बंगालमध्ये नियुक्त केलेल्या अधिकाऱ्यांना खूश करण्यासाठी हे बनवलं गेलं होतं. तुम्हालाही या अँग्लो-इंडियन डिशची चव चाखायची असेल तर रेसिपी वाचा आणि घरी बनवून पाहा.

अर्धा किलो चिकन, एक कप दही, एक टेबलस्पून आलं-लसूण पेस्ट, एक टीस्पून लाल मिरची पावडर, एक टीस्पून हळद, एक टीस्पून गरम मसाला आणि चवीपुरतं मीठ

2 टीस्पून तेल, 2 कांदे, 2 टोमॅटो, 2-3 हिरव्या मिरच्या, 1 टीस्पून जिरे, 1 तमालपत्र, 4-5 लवंग, 2-3 वेलची, 1 इंच दालचिनी, 1 टीस्पून धणे पावडर, 1 /2 टीस्पून लाल तिखट, चवीनुसार मीठ, आणि गार्निशिंगसाठी ताजी कोथिंबीर, बटाटे (ऐच्छिक).

- सर्वांत आधी चिकनचे तुकडे घ्या आणि ते चांगले धुवा, कोरडे करा आणि मॅरिनेट करा.