Health : तुमची मॉर्निग ड्रिंकच आहे तुमच्या किडनीची दुश्मन, तुम्हीही सकाळ 'या' पदार्थाने करत असाल तर सावधान!

Tea Connection With Fatty Liver : भारतात चहा हे केवळ एक पेय नसून एक सवय आहे. दिवसाची सुरुवात चहाने करणे, थकवा घालवण्यासाठी चहा पिणे किंवा गप्पांच्या ओघात चहाचे अनेक कप पिणे ही सामान्य गोष्ट झाली आहे. मात्र, तज्ञांनी आता इशारा दिला आहे की, दूध आणि साखरेने भरलेला चहा जास्त प्रमाणात पिण्याची सवय आपल्या यकृतासाठी म्हणजेच लिव्हरसाठी धोकादायक ठरू शकते आणि शांतपणे 'फॅटी लिव्हर'चा धोका वाढवू शकते. डॉक्टरांच्या मते, दिवसातून मर्यादेपेक्षा जास्त चहा प्यायल्यास, विशेषतः तो खूप कडक असल्यास किंवा रिकाम्या पोटी घेतल्यास पचनसंस्थेवर आणि लिव्हरवर नकारात्मक परिणाम होतो.