Trending:

Vaibhav Suryavanshi : 6,6,6,6... वैभव सूर्यवंशीचा तडाखा, टीम इंडियात सिलेक्शन होताच बॅट तुटेपर्यंत फोडलं!

Published by:Shreyas Deshpande

Last Updated:November 04, 2025 6:31 PM IST

वैभव सूर्यवंशीने त्याची इंडिया ए साठी झालेली निवड अवघ्या काही तासात योग्य ठरवली आहे. वैभव सूर्यवंशीने त्याच्या वादळी खेळीमध्ये 4 सिक्स आणि 9 फोर मारल्या आहेत.

इम्पॅक्ट शॉटतुमचा गेटवे लेटेस्ट न्यूज

6,6,6,6... वैभव सूर्यवंशीचा तडाखा, टीम इंडियात सिलेक्शन होताच बॅट तुटेपर्यंत फोडलं!

पटणा : वैभव सूर्यवंशीने त्याची इंडिया ए साठी झालेली निवड अवघ्या काही तासात योग्य ठरवली आहे. रणजी ट्रॉफीच्या सामन्यात वैभव सूर्यवंशीने बिहारकडून खेळताना 67 बॉलमध्ये 93 रनची खेळी केली. 14 वर्षांच्या वैभवने त्याच्या या खेळीमध्ये 9 फोर आणि 4 सिक्स मारल्या, पण फक्त 7 रनने वैभव सूर्यवंशीचं शतक हुकलं. मेघालयचा स्पिनर बिजोन डे याने वैभवला आऊट केलं. त्याआधी मेघालयने 408/7 वर त्यांची इनिंग घोषित केली. अजय दुहाच्या 129 आणि स्वस्तिकच्या 94 रनमुळे मेघालयला या स्कोअरपर्यंत मजल मारता आली.

वैभव सूर्यवंशीशिवाय प्रियांश आर्या याचीही रायजिंग स्टार आशिया कपसाठी भारतीय टीममध्ये निवड झाली आहे. जितेश शर्मा इंडिया ए चं नेतृत्व करणार आहे. पुढच्या महिन्यात दोहामध्ये या स्पर्धेचं आयोजन करण्यात येणार आहे. स्पर्धेमध्ये इंडिया ए ग्रुप बीमध्ये आहे, ज्यात ओमान, युएई आणि पाकिस्तानचा समावेश आहे. तर ग्रुप ए मध्ये बांगलादेश, हाँगकाँग, अफगाणिस्तान आणि श्रीलंकेच्या टीम आहेत.

14 नोव्हेंबर ते 23 नोव्हेंबरदरम्यान रायजिंग स्टार आशिया कप ही स्पर्धा खेळवली जाणार आहे. इंडिया ए चा पहिला सामना 14 नोव्हेंबरला होणार आहे, तर 16 नोव्हेंबरला इंडिया ए आणि पाकिस्तान ए चा सामना होईल. स्पर्धेमध्ये वैभव सूर्यवंशीकडे जगाचं लक्ष असेल, कारण वर्षाच्या सुरूवातीलाच त्याने इतिहास घडवला आहे. वैभव सूर्यवंशी आयपीएल इतिहासातला सगळ्यात लहान वयात शतक करणारा खेळाडू ठरला. राजस्थानकडून खेळताना वैभवने गुजरातविरुद्ध 101 रनची खेळी केली होती.

वैभव सूर्यवंशीने ब्रिस्बेनमध्ये अंडर-19 यूथ टेस्टमध्ये ऑस्ट्रेलियाविरुद्ध मागच्याच महिन्यात शतकही झळकावलं होतं.

रायजिंग स्टार आशिया कपसाठी भारतीय टीम

प्रियांश आर्या, वैभव सूर्यवंशी, नेहल वढेरा, नमन धीर, सुर्यांश शेडगे, जितेश शर्मा, रमणदीप सिंग, हर्ष दुबे, आशुतोष शर्मा, यश ठाकूर, गुरजपनीत सिंग, विजय कुमार वैश्यक, युधवीर सिंग चरक, अभिषेक पोरेल, सुयश शर्मा