Women Health : स्त्रियांना मिशा-दाढी येणं नॉर्मल आहे का? चेहऱ्यावर अनावश्यक केस का येतात? कारण समजून घ्या

मुंबई : दैनंदिन धावपळीत आपण आपल्या सौंदर्याची खूप काळजी घेतो. पण कधीकधी शरीरात असे काही बदल होतात जे आपल्याला आरशासमोर उभं राहायलाही भीती वाटायला लावतात. अनेक स्त्रियांना ओठांच्या वर किंवा हनुवटीवर अचानक जाड, काळे केस दिसू लागतात. मग सुरू होतो पार्लरच्या फेऱ्यांचा आणि थ्रेडिंग-वॅक्सिंगचा कधीही न संपणारा प्रवास. समाजात आजही या विषयावर उघडपणे बोललं जात नाही, ज्यामुळे अनेक स्त्रिया आत्मविश्वासाच्या कमतरतेमुळे गप्प राहतात किंवा घरगुती उपाय करून ही समस्या लपवण्याचा प्रयत्न करतात. पण हा केवळ सौंदर्याचा विषय नसून तुमच्या आरोग्याचा एक मोठा अलार्म असू शकतो.