कोरोनात नोकरी गेली, YouTube वर पाहून बनवला मिल्क शेक, आता दादरमध्ये फेमस कॅफे

राहुलने 3 वर्ष अथक मेहनत करून स्टॉलवर वेगवेगळ्या मिल्क शेक, कॉफी सारख्या खाद्यपदार्थांची विक्री केली आणि स्वतःचा खवय्या वर्ग तयार केला. 2023 मध्ये राहुल ने ‘राहुलस् कॅफे’ नावाचा कॅफे सुरू केला. या कॅफेचे वैशिष्ट्य म्हणजे ज्या ठिकाणी राहुल स्वतःचा स्टॉल लावायचा त्याच्या अगदी समोरच त्याने छोट्याशा जागेत स्वतःचा कॅफे सुरू केला आहे. राहुलकडे कॉफी, मिल्क शेक यासारख्या पदार्थांमध्ये 40 पेक्षा जास्त प्रकार आहेत. शाळेतील मुलांपासून ते मोठ्यांपर्यंत सर्वांना परवडेल अशा दरामध्ये राहुल त्याचे सर्व प्रॉडक्ट विकत असतो.

“मला माझ्या व्यवसायाला एका विशिष्ट उंचीवर घेऊन जायचे आहे. तसेच राहुलस् कॅफे हे नाव अजून जास्तीत जास्त लोकांपर्यंत पोहोचवायचे आहे. भविष्यात मी ‘राहुलस् कॅफे’च्या वेगवेगळ्या शाखा देखील सुरू करू इच्छितो. तसेच मराठी माणूस हा उद्योजक बनण्यासाठी सज्ज आहे. तर प्रत्येकाने मराठी तरुणाला आणि उद्योजकाला भरभरून पाठिंबा द्यावा,” असं आवाहन राहुल करतो.