Ghee v/s Butter : तूप आणि बटरमध्ये नेमका काय फरक? आरोग्यासाठी नक्की काय फायद्याचं इथे चेक करा

मुंबई : गावरान तुपाचे अनेक आरोग्यदायी फायदे आहेत, हे तुम्हाला माहिती असेलच. प्राचीन काळापासून भारतीय स्वयंपाकघरांत त्याचा मोठ्या प्रमाणात वापर होतो. शतकानुशतकांच्या पारंपरिक भारतीय औषधांमध्ये शुद्धतेचं प्रतीक म्हणून तुपाचा वापर केला जातो. शरीरावर तुपाचा सकारात्मक प्रभाव पडतो त्यामुळे आत्ताच्या उपचार पद्धतींमध्येही त्याला मान्यता मिळालेली आहे. मात्र, तरीही डायटिंग करताना लोक तूप खाणं टाळतात. कारण, त्यांना वाटतं की तूप खाल्ल्याने ते आणखी जाड होतील. मात्र, गेल्या काही वर्षांत आहारतज्ज्ञांनी आजच्या तरुण पिढीसमोर तुपाबाबत वेगळा दृष्टिकोन मांडला आहे. त्यामुळे आजच्या तरुणांमध्ये तूपाची आवड हळूहळू वाढू लागली आहे. सध्या अनेकजण या संभ्रमात आहेत की तूप आणि लोण्यापैकी (बटर) काय सर्वांत जास्त आरोग्यदायी आहे? 'एबीपी'ने या बाबत वृत्त प्रसिद्ध केलं आहे.