स्पर्धा परीक्षेला सामोरं जाताना नैराश्य येतंय? मानसोपचार तज्ज्ञांनी दिला मोलाचा सल्ला

सध्या अनेक तरुण स्पर्धा परीक्षेत स्वत:ला आजमावत असतात. त्यामुळे स्पर्धा वाढली आहे. स्पर्धेत अनेक विद्यार्थी असल्याने सर्वांनाच लगेच यश मिळत नाही. मात्र, सोबतच्या सहकाराऱ्याला नोकरी मिळाली आणि आपल्याला न मिळाल्यास विद्यार्थ्यांत तणाव वाढतो. अशातच विद्यार्थ्यांचा अधिक वेळ मोबाईलमध्ये जातो. त्यात घरातील जबाबदारी आणि पैशाची चिंता यामुळे देखील विद्यार्थी तणावात असतात. त्याचा परिणाम नैराश्य वाढण्यास होतो, असे डॉक्टर सांगतात.

नैराश्याची स्थिती टाळण्यासाठी विद्यार्थ्यांनी आपल्या अभ्यासाकडे अधिक लक्ष केंद्रीत करावे. मोबाईलवर जास्त वेळ घालवू नये. तसेच मोबाईलचा वापरच कमी करावा. मित्रांसोबत जास्त वेळ घालवू नये. धुम्रपान करणे टाळावे. पुरेशी झोप घ्यावी. अशा प्रकारची सर्व ती काळजी घेऊन योग्य नियोजन करून अभ्यास करावा. तर नैराश्य येणार नाही, असं डॉक्टर सांगतात.