उपचार न मिळाल्यानं हरवलं वडिलांचे छत्र, आज मुलानं सुरू केला 1 रुपयांत दवाखाना, हा आहे उद्देश्य

डॉक्टर रोहित बोरकर मुळचे हिंगोलीचे असून पुण्यात स्थायिक आहेत. यांनी आपल्या सत्यशिव ग्लोबल फाउंडेशन यांच्या माध्यमातून पुण्यातील धानोरी परिसरात 1 रुपयामध्ये दवाखाना सुरू केला आहे. भारतीय विद्यापीठमध्ये शिक्षण घेत असताना त्यांना ही कल्पना सुचली. त्यांच्या वडिलांना बिकट आर्थिक परिस्थितीमुळे वेळेवर उपचार मिळाले नाहीत आणि याच कारणाने बालपणी-वडिलांचे छत्र हरपले. त्यामुळे ही वेळ कोणावरही येऊ नये यासाठी डॉक्टर रोहित बोरकर यांनी ही आरोग्यसेवा गरीब गरजू नागरिकांसाठी उपलब्ध करून दिली असल्याचं त्यांनी म्हटलंय.