Trending:

Summer Care : उन्हाळ्यात लवकर थकण्याची कारणं, थकवा घालवण्यासाठी हे उपाय लक्षात ठेवा

Published by:Renuka Joshi

Last Updated:May 15, 2025 8:19 PM IST

उन्हाळ्यात, घामामुळे लवकर थकवा जाणवतो, ज्याचा दिवसभराच्या कामावर परिणाम होतो. ही समस्या दररोज आपल्या मानसिक आरोग्यावरही परिणाम करते. अति उष्णता, घाम आणि शरीरात पाण्याची कमतरता ही याची मुख्य कारणं आहेत. पण याशिवाय, काही कारणांकडे दुर्लक्ष होतं. योग्य आहार आणि जीवनशैलीत बदल करून समस्या टाळता येते.

मुंबई : उन्हाळ्यात, घामामुळे लवकर थकवा जाणवतो, ज्याचा दिवसभराच्या कामावर परिणाम होतो. ही समस्या दररोज आपल्या मानसिक आरोग्यावरही परिणाम करते. अति उष्णता, घाम आणि शरीरात पाण्याची कमतरता ही याची मुख्य कारणं आहेत. पण याशिवाय, काही कारणांकडे दुर्लक्ष होतं. योग्य आहार आणि जीवनशैलीत बदल करून ही समस्या टाळता येते.

उन्हाळ्यात लवकर थकण्याची 5 कारणं

डिहायड्रेशन: उन्हाळ्यात शरीराला जास्त घाम येतो, ज्यामुळे पाणी आणि इलेक्ट्रोलाइट्स कमी होतात आणि थकवा जाणवतो.

Summer Care : उन्हाळ्यात खा दही आणि गूळ, पचनसंस्था होईल मजबूत

उष्णता आणि आर्द्रता: अति उष्णता आणि आर्द्रतेमुळे शरीराची ऊर्जा कमी होते, ज्यामुळे सुस्ती आणि अशक्तपणा येतो.

झोपेचा अभाव: उन्हाळ्यात मोठा दिवस आणि रात्री उष्णतेमुळे झोपेच्या गुणवत्तेवर परिणाम होतो, ज्यामुळे शरीराला पुरेशी विश्रांती मिळत नाही.

चुकीच्या खाण्याच्या सवयी: तळलेले आणि जड पदार्थ पचण्यास कठीण असतात, ज्यामुळे शरीर अतिरिक्त ऊर्जा खर्च करते आणि थकवा वाढतो.

शरीरात पोषक तत्वांचा अभाव: शरीराला पुरेशी जीवनसत्त्वं आणि खनिजं मिळाली नाहीत तर अशक्तपणा आणि थकवा जाणवू शकतो.

त्वरित ऊर्जा मिळविण्याचे प्रभावी आणि सोपे मार्ग

पुरेसं पाणी प्या: दिवसभरात 8-10 ग्लास पाणी प्या आणि त्यात नारळ पाणी, लिंबू पाणी आणि ताज्या फळांचे रस यांचा समावेश करा.

Summer Care : उन्हाळ्यात त्वचेची काळजी घेण्यासाठी खास टिप्स, घरगुती उपायांची होईल मदत

हलकं आणि पौष्टिक अन्न खा:

शरीराला आवश्यक पोषण मिळावं म्हणून सॅलड,फळं,हिरव्या भाज्या आणि दही खा.

चांगली झोप घ्या: दररोज 7-8 तास गाढ झोप घ्या आणि झोपण्यापूर्वी स्क्रीन टाइम कमी करा.

थंडावा देणारी पेयं प्या: ताक,लस्सी, स्मूदी आणि कलिंगडाचा रस प्यायल्यानं शरीराला थंडावा आणि ऊर्जा मिळते.

हलके आणि सैल कपडे घाला: उन्हाळ्यात हलके आणि मोकळा श्वास घेता येतील असे कपडे घाला, यामुळे शरीराला आराम मिळेल.

उन्हाळ्यात लवकर थकवा येणं ही एक सामान्य समस्या आहे, पण योग्य आहार, हायड्रेशन आणि चांगली झोप या त्रिसूत्रीनं त्यावर मात करता येते. तुम्हालाही उत्साही आणि सक्रिय राहायचं असेल तर या टिप्स फॉलो करा.

Location :

Mumbai,Maharashtra

First Published :

May 15, 2025 8:19 PM IST

///

Summer Care : उन्हाळ्यात लवकर थकण्याची कारणं, थकवा घालवण्यासाठी हे उपाय लक्षात ठेवा