IRCTC Kerala Tour : बायकोसोबत अनुभवा केरळचं सौंदर्य, सुंदर क्षण गोळा करण्यासाठी बुक करा हे टूर पॅकेज

हे पॅकेज एकूण 5 रात्री / 6 दिवस इतक्या कालावधीचे आहे. प्रवासाची सुरुवात मुंबईहून होणार असून प्रवासाची तारीख 21.12.2025 ते 26.12.2025 अशी निश्चित करण्यात आली आहे. प्रवासासाठी इंडिगो विमानसेवेचा वापर केला जाणार आहे. जेवणासाठी MAP म्हणजेच नाश्ता आणि रात्रीचे जेवण पॅकेजमध्ये समाविष्ट आहे.

मुंबईहून 21.12.2025 रोजी सकाळी 10:40 वाजता इंडिगो फ्लाइटने कोचीसाठी प्रयाण होईल आणि दुपारी 12:40 वाजता कोची येथे आगमन होईल. परतीचा प्रवास 26.12.2025 रोजी रात्री 10:35 PM वाजता कोचीहून सुरू होऊन मुंबईत रात्री 00:35 AM ला पोहोचेल. 2 वर्षांखालील बालकांसाठी विमान तिकिटाचे स्वतंत्र शुल्क आकारले जाईल, जे बुकिंगवेळी आयआरसीटीसी कार्यालयात भरावे लागेल.

या सहलीत प्रवाशांना केरळमधील अनेक आकर्षणे पाहता येणार आहेत. कोची येथे मरीन ड्राइव्ह बोटिंग, चायनीज फिशिंग नेट्स, मत्तनचेरी पॅलेस, सेंट फ्रान्सिस चर्च आणि सांताक्रूझ बॅसिलिका पाहता येतील. मुन्नारमध्ये एराविकुलम नॅशनल पार्क, मट्टुपेट्टी धरण, टी म्युझियम, इको पॉईंट आणि कुंडला लेकचा अनुभव मिळेल. थेक्कडी येथे पेरियार वाइल्डलाईफ सँक्च्युरीमधील बोटिंगचा आनंद घेता येईल. कुमारकोममध्ये हाउसबोट क्रूझ, बॅकवॉटर आणि निसर्गसौंदर्याचा अनुभव मिळणार आहे.

या पॅकेजचा खर्च प्रवाशांच्या निवास व्यवस्थेनुसार ठरवण्यात आला आहे. सिंगल ऑक्युपन्सीसाठी प्रतिव्यक्ती खर्च 62,700 रुपये, डबल ऑक्युपन्सीसाठी 46,500 रुपये, ट्रिपल ऑक्युपन्सीसाठी 45,100 रुपये आहे. 5 ते 11 वर्षे वयोगटातील बेडसह मुलांसाठी 41,300 रुपये, बेडशिवाय 36,200 रुपये, तर 2 ते 4 वर्षे वयोगटातील बेडशिवाय मुलांसाठी 25,700 रुपये इतका खर्च आहे.

या टूर पॅकेजमध्ये इंडिगो एअरलाइन्सचे रिटर्न विमान तिकीट, 3 स्टार हॉटेलमध्ये निवास, सर्व ट्रान्सफर आणि पर्यटनासाठी एसी कोच, पाच वेळा नाश्ता आणि पाच वेळा रात्रीची जेवण, कुमारकोम येथे हाउसबोट डे क्रूझ (दुपारचे जेवण आणि संध्याकाळची चहा), नमूद पर्यटनस्थळांची प्रवेश तिकिटे, मरीन ड्राइव्ह आणि पेरियार लेकमधील मर्यादित बोटिंग, 60 वर्षांपर्यंतचे ट्रॅव्हल इन्शुरन्स आणि GST यांचा समावेश आहे. वैयक्तिक खर्च, अतिरिक्त जेवण, सांस्कृतिक कार्यक्रमांची तिकिटे किंवा विमान भाडेवाढ यांचा समावेश पॅकेजमध्ये नाही.

या टूर पॅकेजचे बुकिंग करण्यासाठी प्रवासी आयआरसीटीसीच्या पर्यटन कार्यालयाशी संपर्क साधू शकतात. मुंबईतील फोर्ट येथील आयआरसीटीसी वेस्ट झोन कार्यालय, पुणे, कोल्हापूर आणि नागपूर रेल्वे स्टेशनवरील आयआरसीटीसी कार्यालयांमध्ये बुकिंगची सुविधा उपलब्ध आहे. अधिक माहितीसाठी Sweta5601@irctc.com या ई-मेलवर संपर्क साधता येईल किंवा 8287931886 या क्रमांकावर कॉल, एसएमएस किंवा व्हाट्सअॅपद्वारे चौकशी करता येईल.