मुंबईपासून अलिबागपर्यंत साम्राज्य! धुरंधरमधील 'रहमान' रिअल लाइफमध्येही 'धन्नासेठ'; अक्षय खन्नाची प्रॉपर्टी किती?

रणवीर सिंग, संजय दत्त आणि अक्षय खन्ना यांचा 'धुरंधर' हा सिनेमा बॉक्स ऑफिसवर यशस्वी ठरला आहे. या सिनेमात अक्षय खन्ना रेहमान डकैतची भूमिका साकारत आहे. सिनेमातील FA9LA हे अरबी गाणं सोशल मीडियावर चांगलंच व्हायरल झालं आहे.

या गाण्यात अक्षय खन्ना वाळवंटात काळा चश्मा लावून त्याच्या हटके स्टाइलमध्ये डान्स करताना दिसतोय. त्याचे हजारो रील्स सोशल मीडियावर व्हायरल झाले आहेत. अक्षय खन्ना बॉलिवूडचा स्टारकिड. दिवंगत अभिनेते विनोद खन्ना यांचा मुलगा. पण अनेक वर्ष तो स्टारडमपासून दूर राहिला. छावा आणि धुरंधरमुळे अक्षय खन्नाला नवी ओळख मिळाली.  अक्षय खन्नाची संपत्ती आहे तरी किती?

अक्षय खन्नाने 1997 साली 'हिमालय पुत्र' या सिनेमातून डेब्यू केला. 'बॉर्डर' सिनेमातील त्याची भूमिका देखील चांगलीच गाजली होती. त्याने आतापर्यंत 'हमराझ', 'दिल चाहता है', 'हंगामा', 'हलचुल' आणि 'दृश्यम 2' अशा अनेक सिनेमात काम केलं. विकी कौशलच्या 'छावा' या सिनेमात औरंगजेबच्या भूमिकेतून आपल्या अभिनयाचं ताकद दाखवून दिली.

मुंबईतील जुहू येथे समुद्रकिनाऱ्यावर अक्षय खन्नाचं 35 कोटींचं एक घर आहे. या बंगल्याला हलक्या राखाडी भिंती आणि मोठ्या खिडक्या आहेत. त्याच्या आत एक खाजगी थिएटर देखील आहे. त्याचं हे घर बाहेरून जरी साधं दिसत असलं तर आतून चांगलंच राजेशाही आहे.

अक्षय खन्नाचं साऊथ मुंबईमध्ये मलबार हिल येथे आणखी एक घर आहे. या मालमत्तेची किंमत अंदाजे 60 कोटी आहे. अक्षय खन्ना त्याचा जास्तीत वेळ या घरात घालवतो. त्याच्या या घरातूनही त्याला सी व्ह्यू देण्यात आला आहे. त्या हे घर उद्योगपतींचे बंगले आणि जुन्या ऐतिहासिक इमारतींनी वेढलेलं आहे.

अक्षय खन्नाची अलिबागमध्येही आलिशान प्रॉपर्टी आहे.  अलिबागमध्ये त्याचं एक फार्महाऊस आहे. या घराभोवती अनेक झाडं आहे. शहराच्या गजबजाटापासून दूर असलेल्या अलिबागच्या या घरात अक्षय खन्ना त्याचा शनिवार रविवारचा दिवस घालवतो. इतकंच नाही तर मुंबईच्या ताडदेव येथे देखील त्याचं एक अपार्टमेन्ट आहे.

अक्षय खन्ना लग्झरी गाड्यांचाही शॉकिन आहे. त्याच्याकडे मर्सिडीज-बेंझ एस-क्लास, बीएमडब्ल्यू 5 सिरीज आणि टोयोटा फॉर्च्युनर सारख्या आलिशान गाड्या आहेत. बहुतेक बॉलिवूड स्टार सुपरकार्स, खाजगी जेट आणि पार्ट्यांवर कोट्यवधी रुपये खर्च करताना दिसतात पण अक्षय खन्ना अगदी वेगळा आहे.

बीटीच्या वृत्तानुसार, प्रॉपर्टी अॅडवाइजर म्हणतात की, तो त्याचे पैसे खूप हुशारीने गुंतवतो. त्याने बहुतेक रिअल इस्टेट क्षेत्रात गुंतवणूक केली आहे. उर्वरित कमी जोखीम असलेल्या गुंतवणुकीत आणि फक्त काही निवडक प्रतिष्ठित ब्रँड्सना मान्यता देतो. अक्षय खन्ना 167 कोटींचा मालक आहे.