Winter Special Fruits: हिवाळ्यात ‘ही’ फळं खाल्ल्याने पोटाला मिळेल आराम, शरीरही राहील तंदुरूस्त

मुंबई : हिवाळ्यात बदललेल्या वातावरणामुळे रोगप्रतिकारक शक्ती कमी होऊन सर्दी, खोकला, कफ अशा श्वसनाच्या आजारांचा सामना करावा लागतो. या आजारपणांचा परिणाम पोटाच्या आरोग्यावर होऊन अनेकांना पोटाचे आजार सुद्धा होतात. भूक न लागणे, मळमळणे, पोटदुखी, अपचन या समस्या सर्वसामान्यपणे दिसून येतात. काहींना तर बद्धकोष्टतेचा सुद्धा त्रास होतो तर काहींना उलट्या आणि थंडीतला अतिसार देखील होतो. त्यामुळे हिवाळ्यात आरोग्य टिकवायचं असेल तर जेवणासोबतच फळं खाणं फायद्याचं ठरतं. फळांमध्ये असलेल्या पोषकतत्त्वांचा फायदा शरीराला होता. त्यामुळे अनेक समस्यांवर आराम मिळतो किंवा त्या समस्या टाळता येऊ शकतात. जाणून घेऊयात हिवाळ्यात कोणती फळं खाल्ल्याने पोटाला आणि पर्यायाने शरीराला फायदा होईल.