गणेश चतुर्थीसाठी फक्त 10 मिनिटात बनवा पनीर मलई मोदक, पाहा सोपी रेसिपी

सुरुवातीला पनीरचे तुकडे घ्यावे. ते मिक्सर मध्ये रवाळ पद्धतीने बारीक करून घ्यावे. त्यांनतर एक पॅन घ्यावा. या पॅनमध्ये तूप टाकावे. या तुपावर बारीक केलेले पनीर टाकावे. ते मध्यम मंद आचेच्या गॅसवर चांगले पाच मिनिट परतून घ्यावे. त्यात एक वाटी पनीर घेतले असेल तर पाऊण वाटी मिल्क पावडर , दोन ते तीन चमचे पिठीसाखर , काजू बदाम पूड टाकून पुन्हा परतून घ्यावे. त्या मिश्रणाचा गोळा झाला आणि पाणी सर्व निघून गेले की मिश्रण एका प्लेटमध्ये टाकून गार करावे आणि मोदक साच्याला थोड तूप लावून ते काढावे. त्यानंतर पिस्त्याचे तुकडे आणि गुलाबाच्या पाकळ्यांनी सजवावे की हे मोदक तयार होतात, अशी माहिती मधुरा यांनी दिली.