Rose Day 2024 : प्रेमासाठी लाल, तर मैत्रीसाठी पिवळा; गुलाबाच्या प्रत्येक रंगामागचा अर्थ माहितीये का?

मुंबई : फेब्रुवारी म्हणजेच प्रेमाचा महिना सध्या सुरू आहे. या महिन्यात व्हॅलेंटाइन डे साजरा होत असतो. तसंच त्याच्या एक आठवडा आधीपासूनच व्हॅलेंटाइन वीक सुरू होतो. त्यात प्रत्येक दिवसच खास असतो. पहिला दिवस अर्थात 7 फेब्रुवारी हा दिवस रोझ डे म्हणून साजरा केला जातो. गुलाब हे प्रेमाचं प्रतीक आहे. अशातच प्रेमाचा हा आठवडा गुलाबाशिवाय पूर्ण होऊ शकत नाही. प्रेम व्यक्त करण्यासाठी गुलाब देणं हा सगळ्यांसाठीच आवडता पर्याय आहे. याखेरीज इतर अनेक भावना या गुलाबाद्वारेच व्यक्त केल्या जात असतात. वेगवेगळ्या रंगाचे गुलाब देऊन तुम्ही समोरच्या व्यक्तीला तुमच्या मनातली भावना अगदी सहजपणे सांगू शकता. बहुतांश जणांना माहिती असेलच, की लाल रंगाचा गुलाब हे प्रेम व्यक्त करण्याचं प्रतीक मानलं जातं; पण तुम्हाला माहिती आहे का की, पिवळा, केशरी आणि गुलाबी गुलाब कोणाला दिला जाऊ शकतो, आणि त्याचा अर्थ काय आहे? प्रत्येक रंगाच्या गुलाबाचा भावनात्मक अर्थ जाणून घेऊ या, जेणेकरून तुम्ही योग्य व्यक्तीला योग्य रंगाच्या गुलाबाचं फूल देऊ शकाल. 'टाइम्स नाऊ नवभारत'ने या संदर्भात माहिती देणारं वृत्त दिलं आहे.