Rajesh Khanna : अनिता अडवाणी राजेश खन्ना यांची पत्नी? मुंबई हायकोर्टाने दिला मोठा निकाल

अनिता अडवाणी मुलाखतीत म्हणाल्या होत्या ती, "जेव्हा मी त्यांना पहिल्यांदा भेटले, तेव्हा मी टिनएजर होते. मी एका पारंपरिक कुटुंबातून आले होते, त्यामुळे मला वाटायचं की ते माझे सर्वस्व आहेत. जसजशी मी मोठी होत गेले, तसतसे लोक माझ्या मागे लागले, पण मला दुसरा कोणीच दिसत नव्हता. त्यांनी माझ्या हृदयावर आणि मनावर त्यांनी इतका खोल ठसा उमटवला की, मला त्याच्याशिवाय दुसरा कोणीही आवडला नाही. दुसऱ्या कोणत्याही पुरुषाने मला स्पर्श करावा असं मला वाटत नव्हतं"

डिम्पल कपाडियासोबत लग्न झाल्यानंतर राजेश खन्ना अनेक वर्षे अभिनेत्री अनिता अडवाणीसोबत रिलेशनशिपमध्ये होते. अनिताने एका मुलाखतीत त्यांनी गुपचूप लग्न केल्याचंही सांगितलं होतं, "आमच्या घरात एक छोटं मंदिर होतं. मी एक काळे मणी असलेलं सोन्याचं मंगळसूत्र बनवून घेतलं होतं. त्यांनी ते मला घातलं आणि माझ्या भांगेत सिंदूर भरत म्हणाले होते आजपासून तू माझी जबाबदारी. अशा पद्धतीने एका रात्रीत आमचं लग्न झालं.  मी त्यांच्यासोबत आहे असं मीडियाने आधीच प्रसिद्ध केलं होतं, त्यामुळे आम्ही लग्न केल्याची जाहीर घोषणा करण्याची गरज आम्हाला कधीच वाटली नाही.", असं तिने सांगितलं होतं.

राजेश खन्ना यांच्या मृत्यूनंतर त्यांच्यासोबतच्या आपल्या कथित संबंधांना विवाह म्हणून मान्यता मिळावी, यासाठी अनिताने कोर्टात एक याचिका दाखल केली होती. राजेश खन्ना यांच्यासोबतच्या आपल्या नात्याला वैवाहिक दर्जा देण्याची मागणी तिने केली होती.